Abu Dhabi
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Abu Dhabi أَبُو ظَبْيٍ | |||
| Localidat d'os Emiratos Arabes Unius | |||
| |||
| Estau • Emirato |
 Emiratos Arabes UniusAbu Dhabi | ||
| Superficie | 972 km² | ||
| Población • Total |
621000 hab. (2012) | ||
| Altaria • Meyana |
27 m. | ||
| Coordenadas | |||
| Web oficial | |||
Abu Dhabi (en arabe أَبُو ظَبْيٍ) ye un ciudat d'os Emiratos Arabes Unius d'a que ye a suya capital con una superficie de 972 km² y teneba una población d'alto u baixo de 621.000 habitants estando a segunda ciudat mas poblada nomás dezaga de Dubai. Ye antimás a capital d'o suyo emirato[1]
Abu Dabi alocha importants usinas d'o gubierno federal y ye a siede d'o Gubierno d'os Emiratos Arabes Unidos, asinas como siede d'a familia real emiratí.
O Puerto Zayed en o cual se mueven a mayor parte d'as mercancias que plegan y surten d'a ciudat y l'Aeropuerto Internacional Zayed son d'os d'as estructuras claus pa o funcionamiento d'a economía d'a ciudat.
Cheografía
[editar | modificar o codigo]Abu Dabi se troba en una isla en forma de T a o sudeste d'o Golfo Persico unida a lo continente per os puents de Maqta y Mussafah.
Economía
[editar | modificar o codigo]D'antis d'o escubrimiento d'as reservas de petrolio o negocio de perlas yera una industria clau, y a principal fuent d'ingresos d'o país. As ostras perleras yeran replegadas per medio d'o buceo, os buciadors se capuzaban entre un y tres menutos y fendo-lo dica trenta vegadas en o día, pa la recolección yeran prohibius os depositos d'aire y cualsequier atro tipo de aparato mecanico. Como equipe os buciadors solo levaban una pinza nasal de cuero y recubrimientos de cuiro en los didos d'as mans y d'os piez pa protecher-los mientres buscaban ostras, tamién correban lo risgo de morir afogaus amás d'estar exposaus a ataques de tiburons y danyar los suyos tempanos. Os buciadors no cobraban per o treballo d'un día, pero recibiban una parte d'os ingresos d'a temporada que yera lo suyo prencipal ingreso pa ganar-se la vida y mantener as suyas familias.
Dende o zaguer decenio d'o sieglo XX ha teniu un rapido desembolique y urbanización, y aconseguiu una relativament elevada renta meya d'a suya población, que le han permitiu empentar una transformación d'Abu Dabi permitiendole creixer dica convertir-se en una metropolis cosmopolita. A primers d'o sieglo XXI, a ciudat ye o centro d'a vida politica, d'as actividaz industrials d'o país y amás d'un gran centro d'a tradición cultural. Ye o prencipal centro comercial d'o país a causa d'a suya posición como capital, chenerando per ella sola aproximadament o 15% d'o PIB d'os Emiratos Arabes Unidos. A capital emiratí ye siede d'importants institucions financieras, como l'Abu Dhabi Securities Exchange, o Banco Central d'os Emiratos Arabes Unidos, y la siede corporativa de muitas interpresas nacionals y multinacionals.
Tradicionalment o país ye un d'os mayors productors mundials de petrolio, pero en Abu Dabi s'ha tratau de diversificar a economía en os zaguers anyos a traviés d'inversions en servicios financiers y promoción d'o turismo.
Como ciudat ubicada en una isla tiene un important puerto conoixiu como Puerto Zayed en o cual se mueven a mayor parte d'as mercancias que plegan a la ciudat. A resta de mercancias plegan y salen per os dos puents existents que la connectan con o continente, anque en zaguerías y dimpués d'a ampliación de l'Aeropuerto Internacional Zayed ha enamplau la plegada de mercanias de forma aeria exponencialment.
Esportes
[editar | modificar o codigo]Abu Dhabi actualment sigue a Estratechia d'Esporte Nacional 2031, disenyada pa aumentar a participación cheneral d'esportes y expandir os tipos, a frecuencia, a facilidaz y disponibilidat pa fer esporte en a ciudat. Pa la promoción y expandir a cultura esportiva s'han feito inversions en infrastructuras esportivas y organización d'eventos esportivos globals.
En a ciudat conviven esportes tradicionals como a cursas de camellos y de caballos chunto a como esportes modernos que han esdeveniu populars como a Jiu-jitsu y o fútbol.
